Platforma për raportimin e rasteve të diskriminimit: 5,996 vizita dhe 14 raste të raportuara

𝟓,𝟗𝟗𝟔 𝐯𝐢𝐳𝐢𝐭𝐚, 𝟑𝟎𝟔 𝐥𝐥𝐨𝐠𝐚𝐫𝐢 𝐭𝐞̈ 𝐡𝐚𝐩𝐮𝐫𝐚, 𝟏𝟒 𝐫𝐚𝐬𝐭𝐞 𝐭𝐞̈ 𝐫𝐚𝐩𝐨𝐫𝐭𝐮𝐚𝐫𝐚, 𝐬𝐢 𝐝𝐡𝐞 𝟖 𝐫𝐚𝐬𝐭𝐞 𝐭𝐞̈ 𝐭𝐫𝐚𝐣𝐭𝐮𝐚𝐫𝐚 𝐦𝐞̈ 𝟐𝟎𝟐𝟐, 𝐧𝐞̈ 𝐏𝐥𝐚𝐭𝐟𝐨𝐫𝐦𝐞̈𝐧 𝐍𝐚𝐜𝐢𝐨𝐧𝐚𝐥𝐞 𝐩𝐞̈𝐫 𝐌𝐛𝐫𝐨𝐣𝐭𝐣𝐞 𝐧𝐠𝐚 𝐃𝐢𝐬𝐤𝐫𝐢𝐦𝐢𝐧𝐢𝐦𝐢 𝐧𝐝𝐚𝐣 𝐤𝐨𝐦𝐮𝐧𝐢𝐭𝐞𝐭𝐞𝐯𝐞 𝐫𝐨𝐦, 𝐚𝐬𝐡𝐤𝐚𝐥𝐢 𝐝𝐡𝐞 𝐞𝐠𝐣𝐢𝐩𝐭𝐢𝐚𝐧.

Këto shifra që përthekojnë arritjet rreth Platformës gjatë vitit të kaluar janë paraqitur sot (8 shkurt) në takimin e parë për 2023-tën, të grupit teknik për mbrojtje nga diskriminimi ndaj komuniteteve rom, ashkali dhe egjiptian.

Në këtë takim, të gjithë anëtarët e grupit teknik u zotuan se do të angazhohen maksimalisht në promovimin e Platformës, por edhe se do të jenë më afër komuniteteve, nëpërmjet aktiviteteve të ndryshme dhe bashkëpunimit me shoqërinë civile. Gjithashtu u diskutua edhe mbi nevojën për ngritje të kapaciteteve të zyrtarëve për mbrojtje nga diskriminimi në nivel komunal.

Grupi teknik do të vazhdojë të trajtojë ankesat e qytetarëve rom, ashkali dhe egjiptian, si dhe të rrisë besimin se rastet që raportohen do të shqyrtohen nga organet kompetente, deri në fund.