Prishtinë, Prill 2025 — Lidhur me disa raportime shqetësuese për rastet e abuzimit seksual të fëmijëve në Kosovë, Terre des hommes ka lansuar një fushatë për ndërgjegjësim me qëllim informimin e publikut dhe nxitjen e veprimeve kolektive për parandalimin e këtyre veprave.
E titulluar “Ndalo dhunën seksuale ndaj fëmijëve”, fushata përfshin një video të animuar që përcjell mesazhe kyçe mbi mbrojtjen e fëmijëve, njohjen e shenjave të abuzimit dhe rëndësinë e raportimit. Videoja është publikuar në kanalet e rrjeteve sociale të Terre des hommes Kosovë dhe është transmetuar në ATV.
Në kuadër të fushatës, Naim Bilalli, Zyrtar për Ndërtimin e Kapaciteteve dhe Trajnues në Terre des hommes Kosovë, ka dhënë një intervistë për RTV21, një nga mediumet kryesore kombëtare. Gjatë intervistës, ai foli për rritjen shqetësuese të rasteve të abuzimit seksual të fëmijëve dhe theksoi rolin kyç që kanë institucionet, familjet dhe komuniteti në mbrojtjen e fëmijëve.
https://www.youtube.com/watch?v=WqYx0WwQmh0
Fushata është pjesë e angazhimit afatgjatë të Terre des hommes Kosovë për të forcuar sistemin e mbrojtjes së fëmijëve dhe për të promovuar një qasje të tolerancës zero ndaj dhunës dhe abuzimit.
Për të parë videon vizitoni: TdhK Facebook
